Irani do të ndërtojë brenda një viti e gjysmë dhjetë impiante të reja për pasurimin e uraiumit. Këtë e bëri të ditur shefi i agjencisë bërthamore në Teheran, Ali Akbar Salehi.

Ai gjithashtu bëri të ditur se Irani do të fillojë të martën prodhimin e pasurimit të uraniumit në sasi të lartë në vendin e vet.

Pasurimi në 20 për qind i uraniumit do të bëhet në uzinën që ndodhet në Natans, tha Salehi, i cili do të informojë për këtë të hënë Agjencinë Ndërkombëtare për Energji Bërthamore në Vjenë .

Udhëheqja e Republikës Islamike dëshiron ta përdorë uraniumin e pasuruar për qëllime mjekësore, citohen deklaratat e bëra nga Teherani.

Presidenti Mahmoud Ahmadinejad, pas përpjekjeve të dështuara për ndërmjetësim në konferencën e sigurisë në Mynih, kishte urdhëruar prodhimin. SHBA-ja dhe Gjermania kërcënuan më sanksione të ashpra.