Policia gjermane ka arrestuar shtetasin turk, Hakan Ekinçi, i cili rrembyeu avionin e Turkish Airlines te nisur nga Shqiperia drejt Stambollit ne vitin 2006.

Policia gjermane njoftoi nepermjet Associated Press se ka arrestuar shtetasin turk, Hakan Ekinçi 31 vjec, gjatë një kontrolli në një nga trenat e linjës Kopenhagë-Hamburg. 

Autoritetet në Shqipëri kanë lëshuar një urdhërarresti ndërkombëtar për Ekinçin, sepse konsiderohet autori i rrëmbimit të një aeroplani të linjës Turkish Airlines në vitin 2006. 

Ekinçi e detyroi aeroplanin e linjës Tiranëe-Stamboll me 107 persona në bord dhe 6 anetare te ekuipazhit të ndalonte në Brindizi, në shenjë proteste ndaj refuzimit të kërkesës për strehim nga autoritetet shqiptare. Por pasi avioni u ul ne Brindizi, Hakan u dorezua dhe i leshoi gjithe pasagjeret.

Ekinci ishte dezertor ushtrie dhe kerkonte azil politik në Shqiperi, madje ishte konvertuar në kristian dhe i kishte skruar letër edhe Papës para se të kryente rrembimin. Në ate avion ndodheshin zyrtare te larte dhe miset qe konkuruan per “Mis Globe International” në vitin 2006 në Shqipëri. 

Ekinci u kap ne kufirin gjermano-danez teksa udhëtonte me dokumente false italiane. Tashme nje gjykate gjermane do te vendose nese ai do te ekstradohet apo jo në Shqipëri.