A është pula para vezës apo e kundërta? Ky dyshim, sipas shkencëtarëve britanikë, tashmë është zgjidhur. Ata kanë thënë se pulat duhet të kenë lindur të parat, parashikim ky i cili erdhi me zbulimin e proteinave në vezoret e pulës.

“Shkencëtarët qysh herët kanë dyshuar se pula është krijuar para vezës, por tani kemi prova shkencore që e vërtetojnë këtë. 

Proteina është zbuluar më herët dhe është lidhur me krijimin e vezës, por vetëm tash me ndihmën e analizave kemi zbuluar se ajo kontrollon gjithë procesin”, tha Dr Kolin Freeman nga Universiteti i Warwick.

Proteina (OC-17) vepron si katalizator dhe përshpejton procesin e formimit të zgavrës së vezës. Shkencëtarët e Edinburgut erdhën deri te zbulimi falë përdorimit të superkompjuterit, i cili ka analizuar në hollësi zgavrën e vezës.